1488-1493 - Aveux de successions de Katherine de Kerfors et de son fils Caznevet

C'est le minu [2] et déclaracion que Casnevet Kerfors, filz aisné et héritier principal et noble, de feue Katherine Kerfors, sa mère naguères décédée, baille à Mahé Sanctoes, fermier et receveur de la recepte ordinaire de Kempercorentin, des rentes, fuits, levées et revenuez, dont ladite deffunte, décéda possesseure et saisye es fiez proches de la juridicion dudit lieu de Kempercorentin, pour en faire la levée l'an dudit cécès, par cause du devoir de rachat, esquieulx sont les dites choses coittes et avenues par ledit décès, o protestation de y augmenter, ou detraire, par aultre temps, s'il voit ce devoir estre. Et premier, le manoir de Kerfors et ses courtilz [3], praeries et apparttenances, qui est affermé par an, la somme de sept livres monnoye [4], par chacun an, poyables à chacun terme de la sainct Michel en Montergargane [5]. Item, le moulin dudit manoir, que tient Alain le Rochcan, par ferme ancienne, pour la somme de six livres monnoye [4] par chacun an, poyables à chacune feste de la Chandelour. Item, le villaige de Kervihan, auquel demeurent à présent Arnel le Balche et Thebaud le Balch, quieulx poyent de ferme, par an, savoir : ledit Arnel, trois res fourment, trois res seigle, trois res avoine comble, mesure de Kempercorentin, à chacun terme de la saint Michel en Montegargane [5]. Et, ledit Thebaud, semblable nombre de trois res fourment, trois res seigle et trois res avoine, dite mesure. Item, le villaige de Keranrerien auquel demeurent Alain le Rochcan et Jehan Donnedal, qui poyent de ferme, par an, audit terme de la saint Michel, savoir : ledit Rochcan, trois res fourment, trois res seigle,

C'est le mynu [2] et déclaration des levées, fruis, rantes et revenuez que Caznevet Kerfors décéda poseseur saesi es fiez proches de la juridicion de Kempercorentin, dont Isabelle de Lesmaez, qui famme fut, audit feu Caznevet Kerfors, tient la tierce partie en douaire [6], que Charles Kerfors, filz aisné, principal héritier et noble dudit feu Canevet, son père, naguers décédé, baille Guion Foucart, recepveur de la recepte ordinere de la juridicion de Kempercorentin ; pour en faire la levée, l'un dudit déceix par cause du debvoir de rachat [7] , esquellez sont, lesdites chosses, choittes et avenuez par ledit déceix, o protestation de y augmenter ou de traire, par aultre temps, si il voit ce debvoir estre. Et premier, le manoir de Kerfors, o ses courtis [3], praires et appartenances, que est à ferme par an, la somme de quatre livres monnoye [4], poiablez à chacun terme de la saincte Michel en Montegargane [5]. Item, le moulin dudit manoir, que tient Ernel le Balch, par ferme ancienne, pour la somme de cinquante soulz monnoye [4], par chacun an, poiables à chacune feste de la Chandelour. Item, le villaige de Kerbihan, aucquel desmeurent à présent Ernel et Thébaud le Balch. Quieux poient de ferme, par an, savoir, ledit Ernel, trois res froment, ung res et demy seille et trois avoene a blez, misure de Kempercorentin, à chacun terme de la sainct Michel en Montegargane. Et, ledit Thebaud, samblable nombre, trois res froment, ung res et demy seille et trois res avoene, dite misure. Item, le villaige de Keranerion, auquel desmeurent Alain le Rocquan et Jehan Donnedal, qui poient, de ferme, par an, audit terme de la sainct Michel, savoir : ledit Rocquan, trois res froment, ung res et demy seille et trois res avoene, de ladite misure. Et, ledit Donnedal, trois res froment, ung res et demy seille et trois d'avoenne, de ladite misure. Item, le manoir de Parcanlan, aucquel desmeure Geffroy Poupon, qui poie, par an, de convenant [8], à chacun sdit terme de la Chandelour, la somme de vingt soulz monnoye [4]. Item, ung parc [9] et piecze de terre que tient Alain le Rocquan, près le grant chemin qui mesne de la ville de Kempercorentin au bourg de Coray, à ferme pour la some de vingt soulz monnoye [4], chaun an, à chacun dit terme de la sainct Michel. Item, une migne de terre de lacquelle on faict des pots, à ferme aux potiers qui la tiennent, savoir : Geffroy Poupon, Jehan Le Douriar et Guyon le Bellegou, la somme de quarante soulz monnoye [4] par chacun an, à estrez poiez audit terme de la sainct Michel. Item, le villaige de Kernechcrasec, aucquel desmeure à présent, Guillaume le Rocquant, qui poie de convenant [8], par an, audit terme de la sainct Michel, par chacun an, la somme de vingt soulz monnoye [4]. Item, la somme de huit deniers monnoye [4] dessus les héritaiges Raoul le Balch, audit villaige de Keramerien, de cheffrante [10], à chacun dit terme de la Chandelour. Item, plus la somme de quatre soulz monnoye [4] d'une pièce de terre que tient Jehan le Cozquiric, es nettes du villaige de Kerdrein, estant, lesdits héritaiges, en la paroisse d'Ergue gaberic. Ces chosses et chacune que dessus estre vrois et contenit vérité, relata et certifia, ledit Charles, par son serment. Donné tesmoign de ce, le sell estably aux contratz de nostre dite court à cestes mis, le vigntiesme jour de septembre, l'an mil iiii^c iiii^xx treze.

Michenec, passé : Thebaud Kerfors, passé