1448-1496 - Actes du fonds de La Marche pour les seigneurs de Kerfors

Premier entre ledit Charles Kerfors, de sa part, et lesditz Thebaud et sa femme, Allain Rolland et sa femme, d’autre, par lequel leditz mariez et chacun deulx o lesdictes auctorites baillerent, livrerent, cedderent et transporterent, et par ces presentes baillent, livrent, ceddent et transportent audit Charles Kerfors, prenant et acteptant pour luy, ses hoirs et cause aïans à heritage, à jamais, un sixiesme partie des lieux et villages du Carbont [2], Kerdevot [3], Kerdozhal [4], Quillihuezec [5] et Le Meuneuguic [6], et les terres et heritages que tienent Hervé et Caznevet Le Rochcan, Jehan Heidon, Olivier Poupon, Jehan Le Joncour, et la veuffve de feu Thebaud Creff es villages de Lesgouvenech [7], Penhoarnna [8], Kertuzoal [9] et Lenhesque [10] et chacun deulx, leurs terrouers, yssues et appartenances en la paroisse dergué gaberic. Et generalement toutes et chacune les terres et heritages qu’ilz ont, tiennent et possedent, et leurs appartenances, en ladicte parroisse dergué gaberic.

En retour, recompanse et contreschange de ce ledit Charles Kerfors bailla, livra, cedda et transporta et par ces presentes baille, livre, cedde et transporte auxditz Thebaud et sa femme, Allain Rolland et sadicte femme, le lieu et village de Tiriennez [11], o ses yssues, largesses, franchises et autres appartenances ou demeurent Hervé et Alain Jestin et Amour [12] leur mere, ou treff de Langollen en la parroisse de Briziac, avec la somme de [effacé] soulz de cheverente o tele seigneurie, femedroitz et devoirs seigneurieulx que ledit Charles avoit sur un parc nommé parc an maenglas et ung aultre parc nommé parc caznevet et deux autres parcz nommez parcou an gallou, qui autreffoiz furent à Mahé Prigent et que à present tienent Jehan Heidon, Alain Heidon et Guillaume Le Corzon, situes et estans ou treff et en la parroisse de Briziac, à estre ladicte cheverante poiee et rendue à Kerobezan [13] audit Thebaud appartenant en ladicte paroisse de Briziac à chacun terme et feste de monseigneur saint Michel en Moncte Garganne par chacun an.

Et ce fait ledit de Lisiard, seigneur de Tnouhanet de sa part, et lesditz Thebaud Kerfors et sa femme, Allain Rolland et sa femme, et chacun deux o lesdictes auctorité dautre partie firent, et par cestes font eschange et permutacion de heritages par lequel lesditz Thebaud Kerfors et sa femme, Allain Rolland et sa femme, baillerent, livrerent, cedderent et transporterent, et par ces presentes baillent, livrent, ceddent et transportent audit de Lisiard aceptant pour luy, ses hoirs, suctesseurs et cause aïans à heritage, à jamais, audit tiltre ledit lieu et village du Tiriennez, o sesdites yssuez, franchises, largesses et appartenances.

Et en retour, recompense et contreschange equipolent de ce ledit de Lisiard affermant avoir eu et [un mot non lu] par pareil tiltre deschange et quelque soit à titre heritel de nobles homs Hervé du Juch, seigneur de Pratanroux, en son nom et comme cause aïant de noble et puissant le seigneur du Juch et du Mur, les terres, rentes, heritages et droictz heritels qui ensuivent, o le previlege et prerogative dudit seigneur destre tractez et convenuz ainsi que a esté acoustumées temps passé par sa menee et en lendroit de leurs obeissances et qu’il en puisse avoir le retraict et congnoissance des causes ainsi que es temps passez bailla, livra, cedda et transporta, et par ces presentes baille, livre, cedde et transporte audit Kerfors et sa femme, Allain Rolland et sa femme acteptans pour eux, leurs hoirs, suctesseurs et cause aïans à heritage, à jamais, le lieu et village de Kerobezan Ysellauff, o ses appartenances, ouquel demeure Michel Cadoudal, ainsi que les tien ledit Michel à sexante cinq soulz monnoie de taille, ferme et convenant par an avec la part, portion et cotité que lesditz de Pratanroux causaïantsurditz dudit seigneur du Juch et du Mur avoit et luy appartenoit en la montaigne et piecze de terre nommee Menez an Lay es parroisses de Briziac et de Landrévarzec. Item, tout et tel droit, cause, raison et action que ledit seigneur du Juch et ledit seigneur de Pratanroux son cause aïant, lun et chacun avoint et leur appartenoit, pourrint et debvoint competer et appartenir en et sur le lieu, estaige et tenue de heritage, et ses appartenances, que tenoint et tiennent Jehan Le Henauff et Guillaume Le Goff, ou village de Quilligonnech [14], ses terrouers et appartenances, en ladicte parroisse de Landrevarzec, soit en fond et demaine, soit en seigneurie, rente, cheverente et devoirs seigneurieulx, pour le pris et somme de trante trous soulz quatre deniers monnoie par chacun an de taille, ferme et convenant ou cheverante et rante (…)

(…) Donné tesmoign le seau estably es contractz de nostredicte court cy mis. Fait et gree en ceste ville de Kempercorentin, le second jour de may, lan mill IIIIc IIIIxx saese.

(…)

Le Chever, passé. De Kermodiern, passé. »

Aujourd’huy, en nostre court de Kempercorentin fust present en droit et pour ce personelement estably ledit Jehan Le Bouder en recongnessant ledit tenement estre le fié et seingnourie de ligence de Katherine Kerfors et icelle avoir et lui estre deu cinq soulz maille de chieffrante un fois l’an dessus lesditz heritages.congneust et confessa et par cestes congnoyt et confesse avoir baillé, livré, cedé et transporté ledit tenement, et sesdites appartenances, aladite Katherine Kerfors a en joir pour elle, ses hoirs et causes aient heritierement à tous jour mais. Et tout le droit, cause, raisson et action que ledict Bouder avoit et luy competoit et appartenoit en icelluy concrectement. Et ce pour le pris et la somme de sept livres cinq soulz monnoie poyez et nombrez presentement en la presence de nostredite court de ladite Katherine audit Bouder et doint de se tint et se tient comptent et bien poyé et en quitta et quitte ladite Katherine et toutz aultres quittez et delivrez à cause de ce à jamais et par son serement. Duquel tenement, ses appartenances, dessus livré et transporté par ledit Bouder à ladite Katherine, comme dit est, se devestit et se desnua, se deveste et se desnue ledit Bouder en vestant et mettant ladite Katherine, pour elle, ses hoirs et causes aient, en possession et saissine corporelle et reelle par la baillee et tradicion de ces presentes lettres et tiltres dessusdit. Et quant à garantir, deffandre ladite Katherine, ses hoirs et cause aient, sur ledit tenement, et ses appartenances, comme dit est, doit, promist, grea et sobligea, et par cestes promet, gree et soblige ledit Bouder, o toutz ses biens meubles et immeubles, presentz et avenir, envers et contre toutz à la coustume du pays et par son serement. Voulant et veult ledit Bouder que ladite Katherine se puisse aproprier, joir, saissire, prandre et accuillir odit [sic] tenement, et ses appartenances, faire et passer ses banieset aproprimentz d’icelluy toutes les foiz qu’il vouldra et verra l’avoir à faire l’absence ou presence dudit Bouder quant ad ce non obstant. Et sans l’appeler ad ce nullement ne requerre. Et la tenour de ces lettres tenir, fournir bien et loyaulment acomplir, sans jamais encontre venir ne procurer venir par luy ne par aultre en son nom. Et renunce quant ad ce à excepcion de fraude, voul, barat, tricherie, lesion, circonvencion, terme de parller, jour, juge, requerre, ne avoiy foy epomer ne mander [n.l.], plegement faire ne donner vy, inhibicion ne suspense de cour deglisse impetrer. Et a toutes aultres excepcion et decepcion quelxconques que contre la tenour de cestes pourroinct estre dictz ne obicer en tout ou en partie. Et au droit dissant generale renunciacion non valoir jura ledit Bouder sur les Sainctes Euvangiles Nostre Seingnour touchant, et par son serement. Donné tesmoign de ce le seel estably aux contractz de nostredite court à cestes mis, le XXe jour de juillet l’an mill CCCC quarante et houit.

Constat de interligne : « est », de cancellerie : « toutz ses », donné comme dessus.

Goualichet, passé. [n.l.] passé. »

Cest assavoir ansi que lesdiz mariez et o ladite auctorite ont baillé, livré, cedé et transporté, et par ces presantes lettres baillent, livrent, cedent et transportent à ladite Katherine Kerfors, ses hoirs, successeurs et qui cause aura d’icelle affin et perpetuel heritaige à jamais toutes et chacunes les terres et heritages que ilz ont en la ville, ses terrouers et appartenant de Kerbihan [16] et oquel demeure Raoul Le Balch [17] en la parroisse derguegaberic avecques une paree de terre que Jucquel Coustance tient desdites terres et lesquelx fierent les heritages de Jehan Kerzedec. Et pour retour recompensacion et equipolent eschange de ce lad Katherine a baillé, livré, cedé et transporté, et par la tennor de cestes baille, livre, cede et transporte ousditz mariez à en jouir pour eux, leurs hoirs, successeurs et cause aientz deulx affin et perpetuel heritage à jamais toutes et chacunes les terres et heritages que celle Katherine a et à elle appartient, doibt ou la peust compecter et appartenir en la montaigne nommé Menez Botgarz appellé la terre Logodec et dont avoit en contraryetté entre lesditz parties sur partie desditz terres, savoir sur environ troys arpans et un poy de pré dont avoint apoincté que chacun deulx [non lu] jouy jucques à une moictié. Et en general tout quant de heritage que icelle Katherine avoit et le appartenoit en ladite montaigne entre le village de Kerdevot [18] et Runbernard [19] et Botgarz [20] et Kerjahan [21] estantz en ladite parroesse d’Ergué. Et une paree de terre estant hors le parc an narch maen en la montaigne de Rosburtul devers le midy en ladite parroesse et generalement tout quant à elle a de heritage en ladite montagne fors le Parc an Narchmaen.

Donné sauff nostre droit et l’autruy, tesmoign de ce le seel estably aux contractz de nostredite court à cestes mis le dix neuffieme jour de mars l’an mil quatre centz cinquante et neuff.

Jehan Le Goualichet passé. Passé par Gae en Cozden. »

Et que en retour et pour recompanse d’iceulx heritages ledit Caznevet oudit nom a baillé, livré, cedé et transporté et par cestes baille, livre, cede et transporte audit Droniou, ou nom que dessus, prenant et acceptant, pour en joir eulx, leurs heritiers, sucesseurs et cause aient delx [sic] à heritage à jamais, c’est à savoir : la somme de dix soulz de chieffrante ou rante avecqs les femedroitz que ledict Caznevet afirm ladicte tenue avoir et ly estre du et appartenir de sur les heritages de Jahan Cozou, clerc, au villaige de Rudalahez ^[c] et ses appartenances en la parroesse de Saint Tefredec avecques auxi la tierce partie d’un estage et tenement de terre que ladite Katerine a et ly appartient en non devis [non lu] Guillaume Raquer, au village de Kerony en la parroesse de Nevez ^[d], quelx heritage Guillaume Martin tient à convenant de ladite Katerine. Desquelx heritages et rante baillent chacun des uns desditz parties es noms que dessus à l’autre deulx, se sont [non lu] acomptant et bien poie sanz aultre prisage ne [non lu] sur ce faire et [non lu] quicteroint à cause de ce. Desquelx heritages dessus transportez livrez des uns desditz parties [deux mots non lus] à l’aultre deulx parties par ces presentes se sont [non lu], denuez et desaesi, defont proprietté [non lu] en vestant et mectant lun l’aultre deulx en posession et saisine [non lu] et reelle par la baillee et tradicion de cestes et le tiltre dessusdit voulantz et veulent qu’ilz puissent eulx appartenir, joir, saisir, |non lu], et aceuillir et [non lu] en foy et homage aux seigneur desquelx icelx heritages sont tenuz faire les [non lu] et appartenantz à la coustume toutes les foiz quil pourront l’avoir affaire sanz etre requerre ad ce nullement. Sur lesquelx heritages dessusditz [non lu] se sont leditz pariez et chacun deulx respectivement es noms que dessus entre obligé et par cestes sentre obligent les uns par les altres delx [sic pour les 2 mots] sur l’obligacion de touz et chacun leurs bien meubles et in meubles present et advenir et par leurssermentz, garantaige et deffanse faire, savoir lun delx [sic] sur ce que à l’aultre à l’aultre [sic] delx [sic] envers et contre touz à l’uz et coustume du païs et par expres lesditz Droniou et Caznevet et checun delx en partie es noms sentre obligerent et par cestes sentre obligent lun versl’aultre deulx savoiir ledit Droniou [non lu] sadite compaigne et ledit Caznevet sadite mere à ratifier et avoir agreable tout le contenu en cestes ou fournir de ratificacion valable de celles à la fin dedans lasaint Michel prouchenne venant anpres la dabte de cestes soubz la somme de dix escuz d’or à estre acquise et gaignee de lun desditz parties sur l’autre delx que seroit en deffault de fournir et [non lu] de [non lu] de ce quedit est. Et la teneur de cestes tenir, fournir et acomplir et non venir jamais encontre par eulx lun partiesne par aultre en leurs noms en renunciantz et renuncierent quant ad ce à excepcion de fraude, voel bavat, inehence, lesion, [deux mots non lus] en fait ne en confesse [non lu] jour [deux mots non lus] avoir plegement, faire ou donner, exprimer, mander ne dire à vie [non lu] ne en suspens cour de eglise impetre et à toutes altres [sic] excepcion que contient la teneur de cestes pourroit estre [non lu] tout ne en partie et au droit disant generale renunciacion non valoir jurent lesditz parties et chacun deulx respectivement sur sainctes Evangilles Nostre Seigneur touchant et par leurs serment. Donné tesmoign de ce le seel establi aux contractz de nostredicte court à cestes mis le xiiije jour de mars l’an mil iiijct sexante.

Et en retour et contre eschange de ce ledit Canevet, oudit nom, a baillé, livré, cedé et transporté, et par cestes baille, livre, cede et transporte audit maistre Guillaume acteptant la somme de vignt soulz de rante que ledit Canevet dissoit [sic] et affirmoit luy et sadite femme avoir et eulx appartenir sur la tenue et estaige, ses yssues et appartenances, que tienent et oquel desmeurent Deuzmat la desgerpie Jehan Thepault, et ses enffantz, sis et estants ou village de Garzanbouder [23], son terrouer et appartenances. Et en generall, tout le droit, raison et action que lesditz mariez aont [sic] et à eulx appartient et compecte sur et oudict estage et ses appartenances, et oudict village, terrouer et ses appartenances de Garzanbouder, sans rien excepter en la parroesse de Landrevarzec. Queulx heritages et rantes actepterent lesdites parties de chacune part, savoir lun diceulx ce que a eu de lautre deulx respectivement sans jamais aucune reveüe y desmander circonstancer [un mot non lu] et deception alleguer ointz et ont prins lun heritage et rante pour lautre sans aultre prisé en faire. Et de e present se sont chacune desdites parties devestuez et desnuez, et par cestes se demectent et desnuent, savoir lun diceulx ce que baille à lautre deulx de la possession, proprietté et droicture, aont [sic] de ce lun diceulx vestu lautre deulx de la possession et saessine corporelle, reelle et actuelle par la baillee et tradicion de cestes. En voulans lun vers lautre deulx que lun et chacun diceulx de son auctorité propre sanz aultre mistere de justice aprehender la possession actuelle desditz heritages et rantes, sentre baille et quilz en faczent d’iceulx au temps à venir comme de leurs propres chosses et singuliers heritages, sentre faire deu et souffisant garantage à la coustume. Et pour ce que lesdites choses.¤¤¤ à jamais. En promectant etlune desdites parties vers lautre delles et esdit nom¤¤¤ luns dudit Canevet meuvent en partie de par ladite Ysabeau est ledit Canevet obligé trouver sadite femme à ratiffier cestes contract fait à fournir de ratificacion valable pour elle dedans la sainct Michel prouchene venante. Quelle ratifficacion poura ladite Ysabeau faire en l’absence dudit maistre Guillaume et scera valable si comme en sa personne fut gree et faicte. Et tout ce que dessus est dit tenir, fournir et acomplir sans jamais encontre venir promisdrent et sobligerent lesdites parties de chacune par soubz lobligacion et ypothecque de touz et chacuns leurs biens meubles et heritages presens et futurs et par leurs serementz. En renunczant et aont [sic] renuncé de chacune part quant ad ce à excepcion de decepvance [un mot non lu] en fait ne en conffaission, terme de parlier, jour, juge, querre, ne avoir plegement faire, ne donner [un mot non lu], mander ne affermer à une inhibicion ne suspense de court deglise impetrer et à toutz aultres excepcions que contre la teneur de cestes pourronct estre dictz et obicé en tout ne en partie, et au droit disent generale renunciacion non valoir, jurerent de chacune part et par leurs sermentz. Et pour ce que lesdites parties de chacune part aont [sic] volu [sic] tenir et fournir le contenu en cestes les y aons [sic] de leurs assentementz condampnes et les y condampnons à la fin. Donné tesmoign le seel estably aux contractz de nostredite courtà cestes mys, le houytiesme jour de may lan mill quatre centz soixante dix neuff. Et fust cestes contract greé entre parties en la maeson de Thebaud Kerfors en la ville close de Kaempoercorentin. Et escript par la main de Jehan Le Galays.

De Kermodiern, passé. Passé par Yvon LeRoux. »

sçavoir, à ladicte Marie lestaige et tenue de heritaige o ses appartenances ou demeure Jehan pouppe ou villaige de Keranhenaff [25] en la parroesse dergue gaberic, pour le numbre de seix renees combles de seigle et quatre rennees comble davoine à la mesure de nostredicte court.

Item, une piecze de terre nommee Kersalaun que tient Guillaume Lozech à convenant dehors desditz mere et filz en ladicte parroesse pour la somme de treze soulz quatre deniers monnoie de ferme par chacun an.

Item, la somme de quatorze deniers de rente que Bertram Gartoc devoit ausditz mere et filz par chacun ans dessus certains ses heritaiges estans à Knecheuzen [26], en lune des sept parroesse de Sainct Corentin.

Item, la somme de troys soulz quatre deniers monnoie de rente par chacun an dessus certains heritaiges que tient Jehan Paige à la Rue Neuffve fourbours de Kempercorentin.

Item, les terres et heritaiges que un nommé Le Gueguen Anthoine, ses consors tenoint desditz mere et filz à tiltre de convenant ou ferme par dehors en la parroesse dergue armel pour la somme de dixouict soulz de ferme par chacun an.

Item, la seigneurie o ses femesdroitz, devoirs seigneurieulx et dix solz de chevrente par chacun an dessus le villaige de Knech Hervé.

Item, la somme de quinze soulz de cheverente par chacun an dessus le villaige de Knech Hervé.

Les heritaiges de Yvon Kersulgar es villaige de Botgarz [27] et Le Carbont [28] et leurs appartenances, et audit ses heritaige en la paroesse dergue gaberic.

Item, la somme de quinze soulz de rente par chacun an dessus un pré et fenier apartenant à François Coedic situé pres la chapelle Sainct Julien es fourbours de Kempercorentin.

Et aladicte Maragarite ont baillé , livré, cedé et transporté lestaige et tenement de heritaige o ses appartenances que tenoit Jehan Mat à tiltre de ferme soubz ledit Guillaume en la parroesse de Treguenc pour la somme et numbre de quarente cing soulz monnoie, quatre rennees avoine dicte mesure et deux chappons par chacun ans.

Desquelx heritaiges, terres, rentes se sont lesditz mere et fils delaisses, desvetuz et desnuez en vestant et mectant lesdictes Marie et Margarite et chacune delles en la possession et saesine dicelle par la baillé et tradicion de cestes et le tiltre dessusdit. Et aprouve et sest obligé ledit Guillaume garantir et deffandre lesdictes Marie et Margarite sur la possession, jouissance desdictes chosses à la coustume. Et en cas que lesdictes somaires dessus decleres ne seroint poiables desdictes teneurs ledit Guillaume doit et sest obligé les parfournir et enteriner ailleurs en ses autres heritaiges. Dit greé et condemné entre lesdictes parties que le parenssus et parfournissement dudit droit [un mot non lu] desdictes filles et chacune esdictes suctessions et chacune delles , si parenssus y a [verbe non lu] a estre assis et esligé jucques apres le deceix de ladicte Macee [deux mots non lus] Guillaume reservees. Et neantmoins que partie desdictes terres, rentes et heritaiges sont à ladicte Macee en douaire ne fera ledit Guillaume tenir lieu en faire aucune retour, pause, pour baillee que ayant fait à sesdictes filles. Aussi a esté et si ledit Guillaume pourroit avoir et retourner lesditz heritaige que dessus bailles et livre à ladicte Margarite en luy baillant leal contreschange et recompense en ses heritaiges avant la desparcer, despartir ne deffanssive ce en une ou deux piecze à convenant assure, assiecté en un lieu et par argent de prochain en prochain. Et donnent [un mot non lu] et jouiront lesdictes filles de la levee desditz heritaiges pour le terme de la Sainct Michel prochaine. Et les chosses et chacunes que dessus leur fournir et acomplir et ne venir jamais à l’encontre par eulx ne par aultre en leur nom. En renunciant et renuncie chacun deulx à jour jugé, terme de parler, querre ne avoir [deux mots non lus] mander ne assigner à se pleger ne opposer à retenement de preuve ne relaps de serment impetrer ne en user à excepcion de forme, lesion [deux mots non lus] que contre la teneur de cestes pourroint estre dictes et obicees en tout ou en partie. Et en droit disent generale renunciacion non valoir, promisdrent, greerent et sobligerent et par ces presentes promectent, greent et sobligent lesdictes parties et chacune respectivement chacune delle en ce que luy touche soubz lobligacion et ypothecque de touz et chacuns leurs biens meubles et heritaiges presents et avenir et par leurs sermens. Et stipulé en la maeson et habitacion de Paul de Coetanezre en la Rue de Sainct François en la ville close de Kempercorentin. Donné tesmoiggn le seau estably aux contractz de nostredicte court cy mis le dixiesme jour de juillet lan mil quatre cens quatre vigns.

constat interlligne « et submectent » , »juré, condempné »[trois mots non lu] « villaige de Knech Hervé », [un mot non lu]

Thebaud Kerfors passé. [nom non lu] passé »

C’est assavoir la somme de quinze soulz monnoie de rente adnuelle à chacun an que ladicte Marie disoit et affermoit avoir et luy competer et apartenir chacun an à chacune feste de la Sainct Michel en Monte Gargane dessus ung pré et fenier que tient à present Jehan Hedreu à convenant ou ferme de François Le Quoedic situé et estant au fourbours de la ville de Kempercorentin entre ung fenier de Pierre Le Gloedic et sa femme et que à present tint Thebaud Kerfors dun coste et un aultre fenier et aultres terres de lospital de Sainct Julien et aultres feniers de Jehan Deuran daultres endroict daultres en lune des sept parroesses de leglise cathedralle de Sainct Corentin. Et ce pour le pris et somme de quinze livre monnoie dont delaquelle somme de monnoie fut presentement poiee a ladicte Marie tant par or que par monnoie avalué en monnoie la somme de doze livres monnoie. Les eust prins et receput manuellement et tournerent à sa possession. Et du residu dicelle somme queste soixante soulz monnoie ledit Canevet presentement par devant nostredicte court atourna et abira vers ladicte Mariee [sic] Macee de Quoetanezre, sa mere, quelle cognoit devoir ladicte somme de soixante soulz monnoie audit Canevet pour cause de les avoir poiez pour le et a son acquict à Denis Rolland que les devoit à elle à cause de vendicion de drap mise que ladicte Macee le disoit partant et que ladicte Macee promist poier à ladicte Marie dicelle somme de soixante soulz monnoie, ladicte Marie s’est tenue et tient acontante et bien poyee dudit Canevet au large de ladicte somme et [un mot non lu] à celle cause à jamais et par son serment. De laquelle somme de quinze soulz monnoie de rente ladicte Marie sest devestue, desnuee et par cestes se devecte et desnue et en a mis et vestu, vect et mect par ces presentes ledit Canevet en possession et saesine corporelle, reelle et actuelle dicelle par la baille, tradicion et octroy de cestes et le tiltre dessusdit voulante et octroyante, veult et octroye que ledit Canevet aprehende la possession et saesine de ladicte somme de rente et en faire d’icelle au temps futur comme de son heritaige et loyal acquest à jamais. Sur laquelle somme de quinze soulz de rente garantaige et deffanse faire audit Canevet vers touz et contre toutz à luz et coustume du pais sobligea et par cestes soblige ladicte Marie soubz lobligacion et ypothecques de toutz et chacun ses biens meubles et heritaiges presens et futurs et par son serment. En renunciante et renuncia ladicte Marie quant adce à execpcion et decevance, erreur en fait, ne en confession, terme de parler, jour juge, guere ne suspension de court deglise impetrer. Et à toutes aultres excepcion que contre la teneur de cestes pourroint estre dictes ne obicees en tout ne en partie ; et au droit disant generale renunciacion non valoir jura ladicte Marie et par son serment. Et à tout ce que dessus tenir et fournir avons ladicte Marie de son assentement condempnee et condempnons par nostredicte court. Ce fut fait et greé en la maeson où demeurent à present lesdicte Macee et Marie en la Rue du Frout Meur dedans la ville close de Kempercorentin, le dixneuffiesme jour de janvier lan mil quatre cens quatre vigntz et ung. Ce fut escript par Ollivier Hillihourch.

Constat de interligne : « soulz » et de cancellerie : « livre » donné comme dessus.

C. Le Chever passé. B Penruic passé. »