Page 30 du l'ouvrage précité :
Et ledict mesme jour et an à mesme requeste et instance, nous sommes randus sur un autre pont nommé Ponteven, aultrement Pont du Cleuziou, distant d'une demi-lieu dudict Kermper corentin, soubz lequel pont passe une petite rivière vulgairement appellée Zet, donnant d'un boult sur la paroisse de Lannizron, et de l'aultre boult sur la parroesse d'Ergué armel ; et avons ordonné ausdictz expertz susnommés voir et visitter ledict pont, lequel avons veu rompu en auchuns endroictz.
Lesquels expertz nous ont faict rapport que pour la répoaracion et conservacion dudict pont, et le randre en débu estat, est besoign de relever les trois arches et voultes avecq les piliers et avant murs qui le constituent, de la hauteur de quatre pieds, oultre qu'il debvroit estre pavé de boult en boult.
Et dessus ledict pavé, sur les bords dudict pont, faire des appuys ou garde fous de trois pieds [1] de hault, le tout de pierre de taille à chau et à sable, et que ledict pont contient de longueur dix toisses [2] et de largeur dix pieds mesure du roy [1] , et que chacun boult d'icelluy, il seroit requis un pavé de dix huict toisses [2] de long, de la mesme gargeur dudict pont, à cause des eaux et marescages.
Et ce faict nous sommes transportez à ungn aultre pont vulgairement appellé Pont Odet, soubz lequel passe ladicte rivière, distante de la ville de trois quartz de lieue, lequel pont avons veu entièrement ruyné et les deux esprons et avant murs qui contiennent les arches et voultes emportés par le courant de l'eau, et n'y a d'autre passage que pour les gentz de pied, seullement sur des clayes soustenues de quelques pieds d'arbre mis à cest effect.
|
|
|
Suite :
Et donne ledict vieulx pont, d'un boult sur le village de Kervalan [3] , en la parroesse d'Ergué-Gabéric, et de l'autre boult sur le village de Kerveguen, en la parroesse de Coeczon.
Et aiant faict ausdictz experts visitter et mesurer ledict pont, nous ont dict et rapporté que ledict pont contient de longueur dix huict toisses [2] , comprins les avant murs, et de largeur deux toises, et que pour le rendre réguable, et que les charettes et voitures y puisssent commodément passer, il seroit nécessaire de le relever et bastir tout de neuf, de pierre de taille, à chaux et à sable, et faire des avants murs, esprons et voultes, de la hauteur de dix pieds hors de l'eau sur les vieux fondementz et paver ledict pont, devers ladicte paroesse de Ceuzon, pour mieux garentir ledict pont, est nécessaire de lever un pan de mur de dix pieds [1] au carré, qui seroict conduict jusques pré et parc [4] y adjassant, et d'aultrant qu'entre ledict parc [4] et ledict pan de mur, y aura séparacion de douze pieds [1] de largeur, sera le creux remply de roches et graviers et le tout levé et pavé à la hauteur que dessus.
Et seroit requis de paver depuis ledict avant mur, pour antrer au grand chemin conduisant audict Kermper corentin, la longueur de dix huict toisses [2] , et de l'aultre boult, cu costé d'Ergay, d'envyron quarante toisses [2] à la largeur dudict pont, à causse des marescages.
|
|