1. Mandement adrecé au juges de Quempercorentin
2. et à touz autres justiciers à qui peult apartenir,
3. pour maistre Jehan de Coetanezre. Suposant
4. que ses predicesseurs seigneurs des Salles auront
5. justice patibullaire en ung villaige de
6. Lestonan en la parroesse d'Ergué Gabéric. Et qu'elle estoit
7. cheoiste apres que l'informacion en fut faicte,
8. fut ledit suppliant licencié de la faire lever au
9. lieu où elle estoit. Laquelle justice ilz
10. desireront muer en autre lieu en son fié
11. qui tient prochement du roy et duc en ce pays,
12. qui est plus pres de son manoir qu'il a
13. en ladite parroesse d'Ergué Gaberic. Sur quoy
14. est mandé ausdits juges s'il leur est aparu du
15. donné à entendre par ledit mandement appellé
16. le procureur dudit Quempercorentin et en ce
17. n'y ait aucun prejudice au prince ne à aultruy
18. licencier ledit suppliant de muer sadite justice
19. patibullaire et la lever ailleurs pres de sondit
20. manoir ou de justice verrez apartenir en son
21. fié qu'il tient prouchement dudit seigneur. Et
22. sauvegarde generalle. Raporteur du Quelennec. ( en marge : Lanvaulx)
23. (Signature Berthelot)
|